Bu gün Azərbaycan milli komandası “FIFA Series-2026” turnirində final görüşünü keçirib.
INfootball.online xəbər verir ki, Ayxan Abbasovun rəhbərlik etdiyi kollektiv Syerra Leone yığması ilə üz-üzə gəlib.
Mehdi Hüseynzadə adına Sumqayıt şəhər stadionunda baş tutacaq görüşün əsas vaxtı 1:1 hesablı bərabərliklə başa çatıb. Penaltilər seriyasında daha dəqiq olan (9:8) Azərbaycan yığması turnirin qalibi olub.
Oyundan sonra mükafatlandırma mərasimi təşkil edilib. Turnirdə 3-cü yeri tutan Sent Lüsiya bürünc, 2-ci pillənin sahibi Syerra Leone gümüş medallarla təltif olunub. “FIFA Series — 2026” beynəlxalq turnirinin qalibi Azərbaycan millisinə isə qızıl medallar və kubok təqdim edilib. Həmçinin millimizin müdafiəçisi Elvin Cəfərquliyev turnirin ən yaxşı futbolçusu mükafatına layiq görülüb.
Mükafatlandırma mərasimində AFFA-nın baş katibi Cahangir Fərəcullayev, icraçı vitse-prezidenti Sərxan Hacıyev, Syerra Leone Futbol Assosiasiyasının vitse-prezidenti Alie Badara Taravalie və Sent Lüsiya Futbol Assosiasiyasının vitse-prezidenti Valdez Ceyms iştirak ediblər.
Qeyd edək ki, millimiz turnirdə keçirdiyi ilk matçda Sent Lüsiya yığması üzərində 6:1 hesablı tarixi qələbə qazanıb.
“FIFA Series-2026”
30 mart
19:00 Azərbaycan – Syerra Leone 1:1
Qollar: Rahil Məmmədov, 72 — Kanu, 28
Penaltilər seriyası:
Mehdi Hüseynzadə adına Sumqayıt şəhər stadionu
